لتانى مره فى اقل من يومين ....شاركونا وقولونا الحل لوقف هذه المهازل الاخلاقية؟؟؟
التفاصيل ..........
لتانى مره فى اقل من يومين ....شاركونا وقولونا الحل لوقف هذه المهازل الاخلاقية؟؟؟
الأهالي في مدينة الزرقا بمحافظة دمياط قدروا ينقذوا بمعجزة إلهية طفلة عمرها 4 سنوات من جريمة إغتصاب كان بيقوم بيها مسجل خطر شغال سواق توكتوك، الكلب ده خطفها من قرية اسمها سيف الدين في التوكتوك بتاعه وهرب بيها إلى أرض زراعية على طريق الزرقا - السرو، في الأول قلعها حلقها الذهب ولما ابتدى يخلع ملابسها علشان يغتصبها جوة التوكتوك بعض الأهالي سمعوا صراخ البنت وقدروا يمسكوه قبل ما يهرب وسلموه لمركز شرطة الزرقا علشان يتبين أنه عمره 28 سنة ومسجل خطر سرقات عامة ومقيم في قرية كفر العرب التابعة لمركز فارسكور، ولقوا معاه حلق الطفلة الذهب ومطواة كان بيخوفها بيها!!
الظلم كل يوم بيزيد مادام الناس راضية وساكتة، الحوادث دي بقت كتيرة علشان الداخلية همها حماية النظام مش حماية المواطن، همها مرتباتها ومكافاتها اللي بتزيد كل شهر مش المواطن اللي بيتقتل كل يوم أو الطفلة اللي بتغتصب كل أسبوع!!
خافوا انتوا على اولادكم مفيش رحمة!!
خافوا انتوا على اولادكم مفيش رحمة!!
ليست هناك تعليقات:
إرسال تعليق