بالفيديو والصور.. "الطفل الذى رصدته اليوم السابع مع الكلاب" فى وسط البلد.. "عبد الرحمن": الحيوانات بتحبنى أكثر من أبويا اللى طردنى عشان يرضى مراته".. "الكلبة الكبيرة بتطبطب علىَّ أحسن من البشر".. نفسى فى شهادة ميلاد وبحلم أكون "رسام"
الكلاب أفضل من بعض البشر
قصة "عبد الرحمن" كما يرويها بلسانه تفسر "لماذا فضل الكلاب عن صحبة البشر"، فيقول: "أول ما نزلت الشارع قعدت عند واحدة اسمها شيماء معاها أوضة "غرفة" صغيرة استأجرتها بعد ما كنت بعيش فى الشارع، كنت بمسح عربيات وببيع مناديل وبصرف عليهم، وبعد ما حوشت 360 جنيه أخدتهم منى وقالتلى مالكش حاجة عندى وخدت منى كل غياراتى ، قلت أحسن حاجة أعيش مع الكلاب هما فيهم وفاء عن الناس دى".
"أنا مبسوط بالعيشة مع الكلاب أحسن من البشر" يقول عبد الرحمن،"فى ناس كتير لما بتشوفنى بتبعدنى عنها وتقولى امشى ابعد عننا وبيضربوا الكلاب وأنا بزعل عليهم أوى، أنا عايش مبسوط مع كلابى، عشان البنى أدمين مش عاوزين غير الفلوس وخلاص".
أحلام مخيفة وأمنيات بسيطة
ما يتمناه "عبد الرحمن"يختلف عما يتمناه كثير ممن هم فى مثل عمره، حيث يريد فقط سريرًا يوؤيه وغرفة ينام فيها و تحجب عنه "أصوات الصراخ والعفاريت إللى فى الأحلام بتخوفه، ويجيب فيها بوتاجاز ودولاب يحط خلاجاته ".
كما أرسل عبد الرحمن رسالة إلى أخيه الصغيرة قال فيها" أنا بحبك أوى ونفسى أشوفك ونقعد سوامع بعض فى أوضه واحدة مع بعض ونشتغل عشان لما نكبر نطلع حاجة كويسة، ونفسى أعمل شهادة ميلاد وأظبط نفسى وأبقى واحد محترم وأشتغل وأذاكر وأبقى إنسان كويس، عشان لما أكبر أعرف أتكلم وأكون كويس وأشتغل شغلانة حلوة بين الناس، أنا برسم حلو أوى ونفسى أطلع رسام".
شاهد ما قاله عبد الرحمن
ليست هناك تعليقات:
إرسال تعليق